5 Talo oo Kaa Caawinaya Inaad Noloshaada Isbeddel Ku Samayso

 Qore: Mustafe Abdifatah Abdilaahi

Blog: Dhiirrigaliye

Noloshu waa safar uu qof kasta ku marayo waddooyin u gaar ah. Mararka qaar, waxay noqon kartaa mid kacsan, jahawareersan ama niyad jab leh. Laakiin haddana, noloshu waa la hagaajin karaa. Isbeddel maaha wax hal maalin lagu gaaro, balse waa tallaabooyin yar yar oo joogto ah. Hal

kan waxaan kuugu soo bandhigayaa 5 talo oo dhab ahaan noloshaada beddeli kara haddii aad si daacad ah u qaadato.

1. Naftaada La Hagaaji Kahor Intaadan Dunida Hagaajin

Inta badan waxaynu eedda dusha uga tuurnaa dadka kale, deegaanka ama waqtiga. Laakiin dhab ahaantii, isbeddelku wuxuu ka bilaabmaa naftaada. Ogaaw, haddii aad doonayso nolol fiican, waa inaad ka bilowdaa adiga:

Baro naftaada

Raadi waxa kugu jira ee kuu baahan sixid

Noqo qof daacad u ah horumarkiisa

2. Wakhtigaaga Qiimee

Waqtigu waa hantida ugu qaalisan ee aad leedahay. Waxa aad waqtigaaga galiso ayaa noloshaada ka dhigi doona mid fiican ama mid faaruq ah.

➤ Maalin kasta, iskuday inaad:

Waqti siiso aqoonta

Ka fogaato dadka & waxyaabaha wakhtiga kaa lumiyo

Waxqabad yaraan mooyee, ha degdegin

“Qof kasta 24 saac ayuu leeyahay – guusha waxay u dhacdaa kuwa si xikmad leh u maamula.”

3. Ka Fogaaw Cabsi & Shaki Isku Jira

Cabsi & is-shaki waxay ka mid yihiin sababaha ugu waaweyn ee dadka hor istaaga. Waxay kaa reebayaan fursado, waxayna kaa dhigaan maxbuus aad naftaada ku tahay.

Waxaad u baahan tahay inaad naftaada ku qanciso:

Inaad istaahisho guul

In aad khalad samayn karto, laakiin dib u toosin karto

In qofna kuu diidi karin riyadaada markaad dadaal run ah gasho

4. Akhri Qof Kasta Oo Guulaystay Sheekadiisa

Marka aad akhrido sheekooyinka dadka guulaystay, waxaad ogaanaysaa in aysan wax sahlan soo marin. Qof kasta wuxuu lahaa dhibaatooyin, cadaadis, iyo niyad jab, balse wuxuu ku guulaystay sabir iyo dulqaad.

Akhrinta sheekooyinka dhiirrigelinta ah waxay kaa dhigaysaa mid dareema: “Haddii ay iyagu awoodeen – anigana waan awoodaa!”

5. Ilaahay Ku Kalsoonow, Dadaalna Samee

Qofka ugu nasiibka badan ma aha midka leh fursado badan, balse waa midka aamminsan inuu Ilaahay la jiro, kuna dadaala waxa uu hayo. Wax kastoo aad rabto, u bilow si hoose — laakiin si daacad ah.

Ilaahay wuxuu barakeeyaa dadaalka & samirka. Waxaad maanta bilowdo, berri waxay noqon kartaa guushaada ugu weyn.

Gunaanad:

Noloshaada isbeddel kama sugeyso cid kale. Adigaa ah kan wax beddeli kara. Maanta bilow — adigoo leh yididiilo, qorshe, iyo kalsooni. Maalinta aad go'aansato in aad isbeddel sameyso... waa maalinta ugu horreysa ee noloshaada cusub!

---

Waxaad joogtaa: Blogga Dhiirrigaliye – halka fikirka wanaagsan ka bilaabmo.